ഇതൾ

  ചാൾസ് ശോഭരാജ്! ( M A ബൈജു  ) പ്രസാധകർ ഡി സി ബുക്സ് ₹250  ======*============ ചാൾസ് ശോഭരാജ്! പതിനൊന്ന് കഥകളുടെ സമാഹാരമാണ്.  പേരു കേട്ടപ്പോൾ അത്രയൊന്നും ആകർഷകമായി തോന്നിയില്ല, എങ്കിലും നാട്ടുകാരനായ മുൻപരിചയമില്ലാത്ത  കഥാകൃത്തിനെ അറിയാൻ വേണ്ടി വാങ്ങിവായിക്കുകയായിരുന്നു!   ഒരിക്കലും നിരാശയാവില്ലാ. ആസ്വാദനക്ഷമതയ്ക്ക് ഒരു കോട്ടവും വരുത്തില്ല. ധൈര്യമായി വാങ്ങിവായിക്കാം!  കഥാകൃത്ത് കോളേജ് വിദ്യാർത്ഥിയായിരുന്ന കാലം തുടങ്ങി ചാനലിൽ ന്യൂസ് എഡിറ്ററായി ജോലി ചെയ്യുന്ന ഇക്കാലം വരെ വിവിധ മുഖ്യധാരാമാധ്യമങ്ങളിൽ പ്രസിദ്ധീകൃതമായിട്ടുള്ള കഥകളാണിവ. കെട്ടിലും മട്ടിലും തികവുറ്റ പുസ്തകം.  എവിടെ കത്തിവയ്ക്കണം , വേണ്ടാ എന്ന് കിറുകൃത്യമായി അളന്നുമുറിയ്ക്കാൻ അറിയാവുന്നവരാണ് എഡിറ്റർമാർ!   മാധ്യമപ്രവർത്തകർ കുറേപേർ കഥാകൃത്തുക്കൾ ആയിട്ടുണ്ട്. എന്തുകൊണ്ടോ അവർക്കൂനേരെ വിമർശനങ്ങളും കേട്ടിട്ടുണ്ട്. എന്നാൽ അവരുടെ കഥകൾ ശ്രദ്ധാകേന്ദ്രമാവാറുണ്ട്. ഏറെ അനുഭവലോകങ്ങൾ കണ്ടവർ! അതിൽ നിന്നും കഥയുടെ ത്രെഡ് കണ്ടെത്തിയിരിക്കുന്നത് കൗതുകം തന്നെ. "വേട്ടക്കാരനും ഫോട്ടോഗ്രാഫറും" എന്നത് ...

 *മുണ്ടകൻ കൊയ്ത്തും മുളയരിപ്പായസവും!*  *ഒരു അടിയാളന്റെ ആത്മകഥ:*  (പി കെ മാധവൻ) പ്രസാധകർ: ഡി സി ബുക്സ് പേജ്: 287 വില: 360₹ ****************************   കഴിഞ്ഞകാല ചരിത്രത്തിന്റെ ജീവിതരേഖകൾ വായിക്കാനും അറിയാനും വല്ലാത്ത ഔത്സുക്യമുണ്ട്. പുസ്തകത്തിന്റെ പേരു കേട്ടപ്പോൾത്തന്നെ അതെന്നെ ത്രസിപ്പിച്ചു! മുണ്ടകൻ കൊയ്ത്ത് എന്ന് കേട്ടിട്ടുണ്ടെങ്കിലും എപ്പൊ എങ്ങനെ എന്നൊന്നും അറിയില്ലാ, മുള അറിയാമെങ്കിലും മുളയരിപ്പായസവും കേട്ടിട്ടില്ലാ. അപ്പനും അമ്മയും മൂത്തസഹോദരങ്ങളുമുൾപ്പെടുന്ന കുടുംബം! പാറയും കാടും വെട്ടിത്തെളിച്ച് കൃഷിചെയ്യുന്ന  മണ്ണിനോട് പടവെട്ടിത്തെളി ച്ചെടുത്തജീവിതം. പുഞ്ചയും മുണ്ടകനും കന്നിക്കൊയ്ത്തു മെല്ലാം ചേർന്ന് കൊയ്ത്തുത്സവമാക്കിയ അനുഭവങ്ങൾ വായനക്കാരുടെ മനസ്സിലും ആവേശത്തിന്റെയും ഉത്സാഹത്തിളപ്പിന്റെയും ഊർജ്ജം നിറയ്ക്കും!  കൃഷിപ്പണിയില്ലാത്തപ്പോ കുട്ട, മുറം, പനമ്പ്, ഓലക്കുട എന്നിവ നെയ്ത് വില്പന നടത്തുന്ന കുലത്തൊഴിൽ ചെയ്യുന്നു! മുളവെട്ടലും വേലികെട്ടലും ചെയ്തിരുന്ന കഠിനാധ്വാനിയായ അപ്പൻ! പണിക്കിടെ കണ്ണിൽ മുള്ളു ആഴ്ന്നുപതിച്ച് കാഴ്ച്ച നഷ്ടപ്പെടുമ്പോഴും മുതലാള...

 നോവൽ : കൊമ്മ ( പ്രന്യ പാറമ്മൽ) അക്ഷരദീപം പബ്ലിക്കേഷൻസ്  പേജ്: 66, വില :110₹  പുസ്തകം വേണ്ടവർ അക്ഷരദീപവുമായി  ബന്ധപ്പെടുക +91 82898 54663 ========================= വയനാട്ടിലെ ഗോത്രവർഗ്ഗക്കാർക്കിടയിൽ നടന്ന ഒരു സംഭവമാണ് നോവലിനു ആസ്പദം! ഗോത്രവർഗ്ഗക്കാർ ക്കിടയിലെ ആചാരങ്ങളും അനുഷ്ഠാനങ്ങളും തെറ്റിച്ചാൽ കുലം നശിക്കും പ്രളയം വരും എന്നൊക്കെയാണ് വിശ്വാസം! മഴയും ദാരിദ്ര്യവും തുടങ്ങി മാരിയമ്മൻ പൂജയും കുടിയേറ്റ മുതലാളിമാരും  ഭാഗമായ അവരുടെ ജീവിതം വായിക്കാം!  വയനാടൻ മക്കളെ പറ്റിക്കുന്ന നേതാക്കന്മാരെയും മുഖ്യകഥാപാത്രമായ മണിയൻ വിമർശിക്കുന്ന കാണാം.  ഗോത്രാചാരപ്രകാരം കുടുംബബന്ധങ്ങളിലുള്ളവർ തമ്മിൽ വിവാഹം പാടില്ലായെന്ന് അവരുടെ സമുദായത്തിൽ നിയമമുണ്ട്. അത് തെറ്റിച്ചാൽ ഭ്രഷ്ട് കല്പിക്കും. ഇവിടെ മണിയൻ, രാധ ഇവർക്കിടയിലെ പ്രണയവും ഒളിച്ചോട്ടവുമാണ് പ്രമേയം. "ഷിമോഗയിൽപ്പോയി ഇഞ്ചിക്കൃഷി നടത്തി പണക്കാരനാവാം. പണത്തിനു മീതെ പരുന്തും പറക്കുമല്ലോ...." അങ്ങനെ വരുംകാലം അവരെല്ലാവരും അംഗീകരിച്ചുകൊള്ളും എന്നൊക്കെയാണ് മണിയന്റെ കണക്കുകൂട്ടൽ. ഗോത്രാചാരങ്ങൾക്ക് പൊതുസമൂഹത്തിന്റെ നിയമങ്ങളായിരിക്കില...

  2024 ഡിസംബർ 3  അന്താരാഷ്ട്ര ഭിന്നശേഷി ദിനം! **************************** ഇരുട്ടിലെ നിലവിളികൾ ================== ആത്മവിശ്വാസമുള്ളവരാകുക! ആർജ്ജിതരാവുക! അവഗണനകളെ നേരിട്ടുവന്നൊരു കാലം എനിക്കുമുണ്ടാ യിട്ടുണ്ട്. യാഥാർഥ്യങ്ങളെ ഉൾക്കൊള്ളാനും അംഗീകരിക്കാനും വ്യക്തിയും സമൂഹവും തയ്യാറാവണം.  അക്ഷരങ്ങളാണ് എന്നെ പുറം ലോകത്തേക്ക് എത്തിച്ച വഴിവിളക്കായി നിന്നത്! എന്റെ ഊർജ്ജവും ശക്തിയും പിന്തുണയും ഇന്ന് അക്ഷരങ്ങളാണ്. എന്നിലെ സർഗ്ഗാത്മകതയോട് ദൈവത്തിനോട് നന്ദിയുണ്ട്.  ചലനശേഷി നഷ്ടപ്പെട്ടുവെങ്കിലും ബുദ്ധിയും കാഴ്ചയും കേഴ് വിയും തന്നിട്ടുണ്ട്. എല്ലാം തികഞ്ഞൊരു കാലവും അനുഭവി ച്ചിട്ടുണ്ട്! അന്ന് ഇത്തരക്കാരെയൊന്നും ശ്രദ്ധിച്ചിരുന്നില്ല എന്നതാണ് സത്യം. എന്നാൽ ആർക്കൂം പിടികൊടുക്കാതെ നമ്മെ തോല്പിക്കുന്ന അവസ്ഥകളുമായി ജീവിക്കുന്നവരുണ്ട്. ഒരു പരിധിവരെ സാമ്പത്തികം ഭിന്നശേഷിക്കാരെ പിന്തുണച്ചേക്കാം! എന്നാൽ എത്ര സമ്പന്നതയിലും നിസ്സഹായരായിപ്പോകുന്ന കൂട്ടരെ ക്കുറിച്ച് ചിന്തിക്കേണ്ടിയിരിക്കുന്നു! ബുദ്ധിപരിമിതിയുള്ള, സ്വന്തമായി ഒന്നും ചെയ്യാൻ കഴിവില്ലാതെ താൻ ആരെന്നും എന്തെന്നും പോലും അറിയാതെ മൗനസാക്ഷികള...

  അണയാത്ത ജ്വാല ================സ്വാതി വി എസ്  ഇൻസ്റ്റയിൽ എത്തിയപ്പോൾ തുടങ്ങി ഈ അമ്മപ്പെൺകുട്ടി യെയും മോനെയും കാണുന്നുണ്ട്! നിങ്ങളും കണ്ടിട്ടുണ്ടാവും! വല്ലാത്ത അത്ഭുതം തോന്നി!! ആ പെൺകുട്ടിയുടെ മുഖത്തെ പ്രസന്നാത്മതയും ആ കുഞ്ഞിന്റെ അവസ്ഥയും ഒന്നു വിതുമ്പി നിന്നുപോവും.  തന്റെ ശാരീരിക മാനസിക പരിമിതി നേരിടുന്ന കുഞ്ഞ്! എട്ടുപത്തുവയസ്സ് പ്രായമുണ്ടാവും. പക്ഷേ നേരിയ വേദനയോ ജീവിതത്തോടുള്ള നിരാശയോ സങ്കടമോ ഒന്നും ആ മുഖത്തു പ്രതീക്ഷിക്കണ്ടാ.  മകനോടുള്ള വാത്സല്യവും സ്നേഹവും കൈയിലൊതു ങ്ങാത്ത കുഞ്ഞിനെ വാരിയെടുത്ത് ഇവൻ എന്റെ കുഞ്ഞ്! എന്ന് അഭിമാനത്തോടെ ലോകത്തോട് പറയുന്ന ദൃശ്യങ്ങൾ!!   ആ പെൺകുട്ടിയെ അഭിനന്ദിക്കണമെന്ന് തോന്നിയിട്ടുണ്ട്!  ഈശ്വരൻ ഇങ്ങനെയുള്ള കുഞ്ഞുങ്ങളെ ഏറ്റവും സുരക്ഷിത കരങ്ങളിലാണ് ഏല്പിക്കുക എന്നു കേട്ടിട്ടുണ്ട്. മുൻ കാലങ്ങ ളിൽ എന്തെങ്കിലും കുറവുകളോടെ ജനിക്കുന്ന കുട്ടികൾ സ്വന്തം വീട്ടിൽപ്പോലും മറ്റുള്ളവരിൽനിന്നും പിന്തള്ളപ്പെടുന്ന അവസ്ഥയാണ് കണ്ടിട്ടുള്ളത്.     ഇവരോട് ഒന്ന് സംസാരിക്കണം പരിചയപ്പെടണം എന്നൊക്കെ തോന്നിയിട്ടുണ്ട്! അങ്ങനെയിരിക്കെയാണ...

  മൈക്ക് കൈയിലെടുത്ത്  ********************* ഇന്നലെയൊന്ന്  (26/11/2024) അങ്കമാലിവരെ പോയി! വനിതാസംഗമത്തിൽ പങ്കെടുത്തു! ജീവിതത്തിന്റെ വിവിധ മേഖലകളിൽ കഴിവുതെളിയിച്ച 24 വനിതകളെ ആദരിക്കുന്ന ചടങ്ങ്.  ഞാൻ ഏതാനും ബുക്കുകൾ എഴുതി മത്സരങ്ങളിൽ വിജയികളായി, അവാർഡുകൾ കിട്ടി എന്നല്ലാതെ എന്നെ ഈ  സമൂഹത്തിന്റെ ഭാഗമായി കൈപിടിച്ചുയർത്തിക്കൊണ്ടുവന്ന പ്രസ്ഥാനമാണത്! അങ്കമാലി നഗരസഭ ഇടതുഭരണത്തിൽ ഇരിക്കുമ്പോഴാണ് കേരളോത്സവത്തിലും വനിതാദിനത്തിലും ഭിന്നശേഷിദിനത്തിലുമൊക്കെ എനിക്ക് ആദരവ് തന്ന് അംഗീകരിച്ചിട്ടുള്ളത്.  '024 ജനുവരിയിൽ നായത്തോട് സ്കൂളിന്റെ പൂർവ്വവിദ്യാർത്ഥീ സംഗമത്തിനു പുറത്തിറങ്ങിയശേഷം ഇന്നലെയാണ് വീണ്ടും ഇറക്കിയെഴുന്നള്ളത്തുണ്ടായത്!😀😂 പക്ഷേ രസകരമായൊരു അനുഭവമുണ്ടായി! മൈക്കിനു മുന്നിൽ വരാൻ തുടങ്ങിയ സന്ദർഭങ്ങളിലെല്ലാം ആ പൈപ്പ് 😄ഒന്ന് കൈയിലെടുത്തുപിടിക്കാൻ പറ്റുമോ!!? അതിനു നല്ല ഭാരമായിരിക്കുമോ ?! എന്നൊക്കെ ഒന്നു പരീക്ഷിച്ചു നോക്കണമെന്ന് വലിയ ആഗ്രഹമുണ്ടായിരുന്നു! പക്ഷേ  കൈവിരലുകൾ കൂട്ടിപ്പിടിക്കാൻ കഴിയാത്തതിനാൽ ആ സാഹസത്തിനു മുതിരാറില്ലാ. കൂടെയുള്ളവർ മൈക്ക് പിടിച്ചുതരും!...