അഭിലാഷ് മോഹൻ 8 A , Dr S D Anil kumar
അഭിലാഷ് മോഹൻ 8 A ( നോവൽ )
Dr അനിൽകുമാർ SD
============
.jpg)
പേരു കേൾക്കുന്ന മാത്രയിൽ ഇതൊരു ബാലനോവൽ എന്നു തോന്നാം! എന്നാൽ കാൻസറിനോട് അതിധീരമായി പൊരുതിജീവിച്ച ഒരു 12-13 കാരന്റെ കഥയാണു! നോവലിസ്റ്റ് ഒരു ഡോക്ടർ ആയതിനാൽ രോഗത്തിന്റെ അവസ്ഥകളും ചികിത്സകളുമൊക്കെ നല്ല രീതിയിൽ കൈകാര്യം ചെയ്തിട്ടുണ്ട്!
വെന്റിലേറ്റർ അവസ്ഥയിലെ ഭ്രമിപ്പിക്കുന്ന കാഴ്ച്ചകൾ അത്ഭുതപ്പെടുത്തുന്നു!
വേദനകളും വിഹ്വലതകളും ആ കുഞ്ഞുപ്രായക്കാരന്റെ മനസ്സിൽ സൃഷ്ടിക്കുന്ന ചിന്തകൾ!, അതുപോലെ സ്നേഹവും സൗഹൃദാന്തരീക്ഷവുമില്ലാത്ത, കുടുംബത്തിലെ കുട്ടികളുടെ മാനസികവിഷമങ്ങളും അവ കുട്ടികളെ ബാധിക്കുന്നതും വായിക്കാം! എന്നാൽ ഈ കുട്ടിയുടെ ചിന്തകൾ, ദർശനങ്ങൾ , കാഴ്ച്ചപ്പാടുകൾ എല്ലാം നമ്മെ അതിശയിപ്പിച്ചേക്കും!
പ്രായത്തിൽക്കവിഞ്ഞത് എന്ന് തോന്നി!! ഒരു പക്ഷേ എനിക്ക് ന്യൂ ജനറേഷൻസിനെ കൂടുതൽ അടുത്ത് പരിചയമില്ലാത്തതുകൊണ്ടാവാം...
മരണാനന്തര ഭാഗങ്ങളൊക്കെ ആഴത്തിൽ സ്പർശിക്കുന്ന എഴുത്താണു! ഒറ്റയിരുപ്പിൽ വായിച്ചുതീർക്കാൻ പ്രേരിപ്പിക്കുന്ന ബുക്കാണു അഭിലാഷ് മോഹൻ 8 A . അഭിനന്ദനങ്ങൾ!.
ഡോ:അനിൽകുമാർ ,
പ്രസാധകർ: ചിന്താ പബ്ലിഷേഴ്സ്
വില : 160₹
Contact: 9947749740
സ്നേഹപൂർവം
മായ ബാലകൃഷ്ണൻ
7-8-2025
Comments
Post a Comment