വായന , കടൽദൂരം

 റഫീഖ് പന്നിയങ്കരയുടെ  "കടൽദൂരം" 

പ്രസാധകർ, ലിപി പബ്ലിക്കേഷൻസ്

വില 65 രൂപ 

വരികൾക്കിടയിൽ ഒളിപ്പിച്ചിരിക്കുന്ന മൗനമാണ് കവിത! 

ശ്രീ റഫീഖ് പന്നിയങ്കരയുടെ  "കടൽദൂരം" എന്ന കവിതാസമാഹാരം വായിച്ചപ്പോൾ ഇങ്ങനെ തോന്നി. വാക്കുകൾകൊണ്ട് പകർത്താനാകാത്തതാണ് ആ കവിതകൾ. വായനക്കാരന്റെ മനസ്സിൽ ആസ്വാദ്യതയുടെ മധുരം ഇറ്റിക്കാൻ അതിനു കഴിയും.

അടുത്ത കാലത്ത് വായിച്ചവയിൽ ഏറെ ഇഷ്ടം

 തോന്നിയ ഒരു പുസ്തകമായിരുന്നു   "കടൽദൂരം" എന്ന കവിതാസമാഹാരം.

 

 ദുരൂഹതയില്ല, ചെറിയ വാക്കുകളിൽ വലിയ സത്യങ്ങൾ, നന്മകൾ, ഇരുട്ടിലും നിലാവെളിച്ചത്തിലെ ന്നോണം എടുത്തുകാട്ടുന്നു.  

 

എന്തിനേറെപ്പറയുന്നു . വായിക്കണം.

2 കവിതകൾ നോക്കൂ

ശേഷം

*******

ഈ തെരുവിൽ വെച്ച്

എന്നെ ഇല്ലായ്‌മ 

ചെയ്യുന്നതിനു മുൻപ്

എന്റെ നാവ് അരിഞ്ഞെടുക്കുക.

എന്റെ കണ്ണുകൾ 

ചൂഴ്ന്നെടുക്കുക.

എന്റെഹൃദയം

വെട്ടി നുറുക്കുക

ശേഷം, എന്റെ ജഡത്തിന് 

പുതിയൊരു പേരിടുക.

===============

കടൽദൂരം

******

ആർത്തിമൂത്ത് ഇടിച്ചു നിരത്തിയ

മലകളത്രയും,

സ്വയംമറന്ന് മലിനമാക്കിയ

പുഴകളത്രയും,

അഹന്തയിൽ പിഴുതെറിഞ്ഞ

പച്ചപ്പുകളത്രയും,

മണ്ണിലേക്ക് തിരിച്ചു വരണമെന്ന്

കരളുകലങ്ങി പ്രാർത്ഥിക്കുംമുമ്പേ

ഓർക്കണമായിരുന്നു;

മുമ്പേ നടന്നുതീർത്ത കടൽദൂരം

മൺതരികൾക്ക് മീതെ 

ആയിരുന്നെന്ന്!

കണ്ണാടിക്കല്ലുകൾ പാകിയ വഴികൾ

വിരൽപിടിച്ചു നടത്തിക്കുന്നത്

വേനൽ ദ്വീപിലേക്കായിരിക്കുമെന്ന്!

====================