ഇതൾ

  ജിജോ രാജകുമാരി "അനാഥ ചുവരുകൾ" ================= വാക്കുകൾ കൊണ്ട് മായാജാലം തീർക്കാനറിഞ്ഞാൽ കവിതയ്ക്കും കഥകൾക്കുമിടയിലെ ദൈർഘ്യം കുറഞ്ഞിരിക്കും.  ജിജോ രാജകുമാരിയുടെ മൂന്ന് പുസ്തകങ്ങളാണ് വായിക്കാനായത്! "അന്ന"  എന്ന പ്രണയകവിതകൾ, തിളച്ചുതൂവുന്ന പ്രാർത്ഥനകൾ ലേഖനക്കുറിപ്പുകൾ!  'അനാഥ ചുവരുകൾ' എന്ന ചെറുചെറു കഥകൾ. കഥയും കവിതകളും ലേഖനക്കുറിപ്പുമായ് എട്ടോളം പുസ്തകങ്ങൾ സ്വന്തമായുണ്ട്.  നിരവധി പുരസ്ക്കാരങ്ങളും സ്വന്തമാക്കിയിട്ടുണ്ട്. അതിൽ "അനാഥ ചുവരുകൾ"  ആറ്റിക്കുറുക്കിയ വരികളിൽ ആശയങ്ങളെ ഗുപ്തമാക്കി ക്യാപ്സൂൾ പരുവത്തിലാക്കിയ കഥകളാണ് ഓരോന്നും! ഓരോന്നും വായിച്ചുതീരുമ്പോൾ ഒരു ചിരി വിടരാം, ചില പൊള്ളയായ സത്യങ്ങളാവാം! എന്ന തിരിച്ചറിയൽ, പ്രണയ നോവുകളാവാം, നിരാശകളാവാം! വാർദ്ധക്യത്തിന്റെ നൊമ്പരങ്ങളാവാം! ജീവിതത്തിൽനിന്നും കണ്ടെടുത്ത സംഭവങ്ങളെ ഇങ്ങനെ 63 കഥകളായി കോർത്തിരിക്കുന്നു ഈ പുസ്തകം!   "തിളച്ചുതൂവുന്ന പ്രാർത്ഥനകൾ" നമ്മെ ഒന്നുണർത്താനും ചിന്തിപ്പിക്കാനുമുതകുന്ന വിഷയങ്ങളെ തേടിയെടുത്ത് ശുദ്ധമായ ഭാഷയിൽ ലഘുകുറിപ്പുകളായി എഴുതിയവയാണ്.  "സ്നേഹം അകലെ അകലെ" എ...

  മനസ്സു നെയ്യുമ്പോൾ!  (കവിതകൾ)   ദീപുരാജ് സോമനാഥൻ ================ തൂവൽ പൊഴിയും പോലെ നനുത്ത അക്ഷരക്കൂട്ടങ്ങൾ, വാക്കുകൾ, അടരുകളടരുകളായ് നൂൽനൂൽക്കുന്ന  ഭാഷയുടെ, വരികളുടെ ഒഴുക്ക് അനിയന്ത്രിതമാം ഈ തൂലികയിൽ ഊർന്നിറങ്ങുന്നു!  തന്നിലേക്കു തന്നെയുള്ള സഞ്ചാരങ്ങളുടെ മനസ്സിന്റെ ഏകാഗ്രതയിൽ, ധ്യാനത്തിന്റെ ആത്മാവിലേക്കിറങ്ങിയുള്ള യാത്രകളിൽ മനസ്സു നെയ്യുന്ന അന്തർഃധാര.! മിസ്റ്റിസത്തിന്റെ നൂൽമഴ കോർക്കുന്ന ചൈതന്യം തൊട്ടെടുക്കാനാവും.   മാനവസ്നേഹത്തിനും നന്മയുടെ കാരുണ്യമൂറുന്ന സൗരഭ്യവും കവിതകളിൽ നിറയുന്നു. ദീപുരാജിന്റെ രചനാശൈലി ലളിതവും സൗമ്യവും നേർരേഖയിലെന്ന പോലെ പ്രകാശരേണുക്കളുടെ സംഗമമാണ്.  അനുഭവിച്ചറിയാം, തൊട്ടെടുക്കാം, സ്നേഹമയമാണ് ഈ പുസ്തകം!  ആശംസകൾ പ്രിയ കവേ.... സ്നേഹപൂർവ്വം മായ ബാലകൃഷ്ണൻ! 22/11/2024 

  കനിവിടം കടന്നവർ! (ശ്രീനി ശ്രീകാലം) അനേഘ് പബ്ലിക്കേഷൻസ് ₹250  ഒരു പുതിയ ലോകം തുറന്നുതന്നിരിക്കയാണ് എഴുത്തുകാര നിവിടെ!  പണ്ട് ഹോളിഫാമിലി സ്കൂള്‍കാലത്ത് വൈകുന്നേരം അങ്കമാലി കെ എസ് ആർ ടി സി സ്റ്റാൻഡിൽ ബസ് കാത്ത് നിൽക്കുമ്പോൾ കാലടി പ്ലാന്റേഷൻ ബോർഡ് വച്ച ഒരു ബസ് വരുന്ന കാണാം! ദേവഗിരിക്ക് പോകുന്ന സുഹൃത്ത് ചിലപ്പോഴൊക്കെ അതിലോ ആനപ്പാറ ബസ്സിലോ വെറ്റിലപ്പാറ ബസ്സിലോ ഒക്കെ കേറുന്നതും കാണാം! എന്നാൽ കാലടി അറിയാം എന്താണീ കാലടി പ്ലാന്റേഷൻ, എന്നത് എന്നും ഒരു ചോദ്യമായി നിന്നു.  അതൊരു സ്ഥലത്തിന്റെ പേരാണോ?! എന്താ! എങ്ങനെ എന്നൊന്നും ആരോടും ചോദിച്ചറിയാനും ആ പ്രായത്തിൽ തോന്നിയില്ല. അടുത്തകാലം വരെ ഒരറിവും ഉണ്ടായില്ലാ.  പുസ്തകത്തെക്കുറിച്ച് വസന്തൻ സാറിന്റെ കുറിപ്പ് കവർപ്പേജി ൽ വായിച്ചപ്പോൾ വായിക്കണമെന്ന വല്ലാത്ത ആഗ്രഹം. പുസ്തകം വേണമെന്ന് ആവശ്യപ്പെടുകയായിരുന്നു. ശ്രീനി ശ്രീകാലം അടുത്ത കാലത്താണ് ഫേസ്ബുക്കിൽ സുഹൃത്താ യത്. ഒരു ദേശത്തിന്റെ രണ്ടുതലമുറയുടെ ചരിത്രം പറയുന്ന ബുക്ക്. കഥയോ നോവലോപോലെ വായിച്ചുതീർക്കാൻ നല്ല  ഉത്സാഹമാണ്. പച്ചയായ മനുഷ്യർ ജീവിച്ചുതീർത്ത മലയോര മണ്ണിന്റെ ഹൃദയതാളമാണ്....