ഇതൾ

  മറുത ( ചെറുകഥകൾ) സൂര്യാ ഗോപി    ************** വായന: മായ ബാലകൃഷ്ണൻ ഈ കഥകളിലൂടെ സഞ്ചരിക്കുമ്പോൾ ചിലപ്പോഴൊക്കെ നാം ഒരു സ്വപ്നാടകയെ പോലെയായിത്തീരും! വളരെ വേറിട്ട ഭാഷയും കഥാഖ്യാനവും! ആധുനികതയുടെ പുതുവഴി വെട്ടിത്തെളിച്ചിരിക്കുന്ന പ്രതിഭയാണ് സൂര്യ ഗോപി!  നിയതമായ ഭൂമികയോ, പേരുകളോ എന്നില്ലാതെ അവയൊക്കെ എവിടെ നിന്നൊക്കെയോ പറന്നുവന്നെത്തി കൂടുകൂട്ടുന്നു! കവിതയ്ക്കും കഥയ്ക്കും ഇടയിൽ അധിക ദൂരമില്ലെന്ന് പറയാറുണ്ട്!  സൂര്യയുടേത് കവിതാസ്വാദകർക്ക് കവിതയായും കഥാസ്വാദകർക്ക് മാജിക്കൽ റിയലിസത്തിന്റെയോ ഉന്മാദത്തിന്റേയോ ചമയങ്ങളോടെ കഥയായും വായിച്ചെടുക്കാം! നീറുന്ന അനുഭവങ്ങൾ പോലും കവിതയുടെ മിനുസമുള്ള ഭാഷയിൽ പൊതിയുമ്പോൾ ഉള്ളുരുക്കങ്ങൾക്ക് സ്വല്പം ആശ്വാസം ഉണ്ടാകുന്നു!  "ജെന്നി മാർക്സിന്റെ മരണം" എന്ന ടൈറ്റിലിലെ മരണം ഒഴിവാക്കിയാൽ, പിന്നെ ആ വാക്കിനെ തൊടാതെ മരണഗന്ധം അനുഭവിപ്പിക്കുന്നു കഥകളേറെയും!  ഒന്നിനെയും എടുത്തെഴുതാൻ ഞാൻ അശക്തയാണ്. ഏറെ വായിക്കപ്പെടേണ്ട ബുക്കും എഴുത്തുകാരിയുമാണു സൂര്യ ഗോപിയും മറുതയും!  കഥാസത്തയിലേക്കിറങ്ങി എഴുതുന്നില്ല ഞാൻ. എന്നിരിക്കിലും സാമൂഹിക ചുറ്...

  കൊച്ചമ്മിണീം നായരേട്ടനും  (വിജയലക്ഷ്മി മംഗലത്ത് ) **************** (ഹാസ സാഹിത്യം) സാധാരണ സ്ത്രീകൾ അധികം കൈവയ്ക്കാത്ത മേഖലയിലാണു ലച്ചു ചേച്ചിയുടെ തുടക്കം! അതും ആക്ഷേപഹാസ്യം! കൊള്ളണ്ടേടത്തു കൊള്ളും!  നാട്ടിൻ പുറത്തെ ഒരു ചായക്കടയുടെ  പശ്ചാത്തലത്തിൽ അയൽക്കാരായ രണ്ടുപേർ! കൊച്ചമ്മിണീം നായരേട്ടനും! നാട്ടുലോക വർത്തമാനങ്ങൾ എന്നും ചർച്ചചെയ്യും!  കാലത്തിന്റെ കോലങ്ങൾ ,  എടുത്തുകെട്ടലുകൾ, നമുക്ക് സുപരിചിതമായ വിഷയങ്ങൾ എങ്കിലും "അത് ശരിയല്ലേ!! , ഓഹ്! അങ്ങനെയുണ്ടല്ലോ!!?" എന്നൊക്കെ ചിന്തിപ്പിക്കുന്ന വിധത്തിൽ കുറിക്കുകൊള്ളും വിധം നാടൻ ഭാഷയിൽ ഹാസ്യവും സൗഹൃദത്തിന്റെ ഇഴചേർത്തും എഴുതുമ്പോൾ ഒറ്റയിരുപ്പിൽ വായിച്ചു പോകും!  എന്നാലും ന്റെ ലച്ചു ചേച്ചീ....വടേം ബോണ്ടേം തിന്ന് ഞങ്ങളും മടുത്തു ട്ടോ!  പുതിയ ഐറ്റങ്ങൾ ആ യുറ്റ്യൂബിൽ നോക്കി നായരേട്ടനെ പഠിപ്പിച്ച് കൊട്!!!😂 അടുത്ത തവണ വരുമ്പോ ഞങ്ങളതു പ്രതീക്ഷിക്കുന്നുണ്ട്!  ആശംസകൾ ചേച്ചീ.... പുസ്തക വില 100₹ !  സ്നേഹപൂർവ്വം  മായ ബാലകൃഷ്ണൻ 30-6-2025 

  ആശാദലങ്ങൾ : കവിതാസമാഹാരം (ആശ പി ആർ ) **************** തെളിമയുള്ള കാവ്യഭാഷയ്ക്കുടമയാണ്  ആശ പി ആർ എന്ന കവി. നിസ്സാര ശൂന്യമായ ജീവിതത്തെ ആത്മീയ ദർശനങ്ങളും കാഴ്ച്ചപ്പാടുകളും ഉൾച്ചേർന്ന സുഖദമായ  വീക്ഷണമാണ് ആ കവിതകളിൽ പ്രകാശം പരത്തുന്നത്!  വായിച്ചിട്ട് ദിവസങ്ങൾ ഏറെയായി! ഓരോന്നും എടുത്ത് എഴുതാനുള്ള സാവകാശം കിട്ടിയില്ല! എങ്കിലും മനസ്സിനു കുളിർമ്മയും ശാന്തതയും ഈ കവിതകൾ തരുന്നു!  x ആശേച്ചീ....ഇനിയും ആ അക്ഷരപൊയ്കയിൽ നീന്തിത്തുടിക്കാൻ ഞങ്ങൾക്കവസരമുണ്ടാകട്ടെ!  ആശംസകൾ! വെറും നൂറു രൂപയുള്ളൂ.... മിഴി പബ്ലിക്കേഷൻസ് എല്ലാവരും വാങ്ങി വായിക്കുക! സ്നേഹപൂർവ്വം മായ ബാലകൃഷ്ണൻ 30-6-2025  ****************