ഇതൾ

  കുട്ടിയാവാൻ വീണ്ടും മോഹിപ്പിക്കുന്ന ബാലകഥകൾ!  ************************* കവിതയും ആത്മകഥയും ബാലകഥകളും വിരിയുന്ന മായയുടെ നാലാം വിരൽ എന്തത്ഭുതവും ആദരവുമാണ് വായനക്കാരിൽ ഉണ്ടാക്കുന്നതെന്ന് പറയുക വയ്യ! ഈ അതുഭുതാദരങ്ങളോട് കൂടിയാണ് ഇതെഴുതുന്നത്. ബാലകഥകൾ എല്ലാവർക്കും വഴങ്ങുന്ന സാഹിത്യശാഖയല്ല. അതിന് പ്രത്യേക പ്രാവീണ്യം തന്നെ വേണം. ആദ്യമായി ബാലമനസ്സിനെ സസൂക്ഷ്മം നിരീക്ഷിച്ചറിയുകയാണ് വേണ്ടത്. രണ്ടാമത് ബാലമനസ്സിനെ ആകർഷിക്കുന്ന കഥകളെഴുതാനുള്ള വാസനാബലം ആവശ്യമാണ്.ഭാഷയു  ആഖ്യാനവും കുട്ടികളുടെ മനസ്സിന് ഉൾക്കൊള്ളാൻ കഴിയുന്നതാക്കണം. ഈ ഗുണങ്ങളൊക്കെ മായയ്ക്ക് ജൻമനാ കിട്ടിയിട്ടുണ്ട്..വെള്ളപ്പൊക്കത്തിലെപൂച്ച എന്ന കഥ വായിക്കുമ്പോൾ തന്നെ വ്യക്തമാവും. വെള്ളപ്പൊക്കത്തിൽ ഒറ്റപ്പെടുന്ന രാരിപ്പൂച്ചയുടെയും ബിട്ടു എന്ന പട്ടിയുടെയും ഹൃദയവികാരങ്ങളും അവർ തമ്മിലുള്ള സൗഹൃദവും സ്വാഭാവികത ചോർന്നുപോകാതെ രസകരമായി വർണ്ണിച്ചിരിക്കുന്നു. ശത്രുക്കൾപോലും മിത്രങ്ങൾ ആവുന്ന വെള്ളപ്പൊക്കം എന്ന ഭീകരമായ അവസ്ഥയെ രാരിപ്പൂച്ചയുടെയും ബിട്ടുപ്പട്ടിയുടെയും സുന്ദരി പൂച്ചയുടെയും കഥകൊണ്ടു രസകരമാണ് വികാരോത്തേജകമായും വരച്ചു കാട്ടുന്ന...

 ആസ്വാദനം ഉഷ സുധാകരൻ വെള്ളപ്പൊക്കത്തിലെ പൂച്ച "ന്റെ ഭഗോത്യേ, കാത്തോണേ.. ന്റെ കുട്ടിക്ക് ഒന്നും വരുത്തല്ലേ, രണ്ടിനേം ഒരു കേടും വരുത്താതെ രണ്ട്  പാത്രത്തിലാക്കി തരണേ." യെന്ന് മുത്തശ്ശി ആട്ടിൻകുട്ടിക്ക്  വേണ്ടി പ്രാർത്ഥിക്കുന്ന വരികൾ  മായയുടെ  പുസ്തകത്തിലെ  'ആമീം  സൈറേം' എന്ന കഥയിൽ  നിന്നും  ഞാൻ  വായിച്ചപ്പോൾ, കുറച്ച് നേരത്തേക്ക് ഞാനെന്റെ കുട്ടിക്കാലത്തേക്ക്  പോയി. എന്റമ്മമ്മ എന്റടുത്ത് നിന്നും  പറയുന്നത്  പോലെ  തോന്നി.  അതു പോലെ 'രാമൻ, തെന്നാലിരാമൻ  എന്ന കഥയിലെ "എന്നാലും ദൈവമേ..ആ പട്ടി..അതില്ലായിരുന്നെങ്കിൽ ഇപ്പോ  രണ്ടു ശവമാ ഇവിടെ കാണേണ്ടിയിരുന്നത് " എന്ന് അമ്മമ്മ തെന്നാലി രാമനെന്ന പട്ടിയെ കുറിച്ച് പറഞ്ഞതും എന്റെ  ഉള്ളിൽ  തട്ടി.  മായയുടെ 'വെള്ളപ്പൊക്കത്തിലെ പൂച്ച' എന്ന പുസ്തകം  കൈയിൽ കിട്ടിയിട്ടൊരാഴ്ചയിൽ  കൂടുതലായി. രണ്ട് ദിവസം കൊണ്ട്  തന്നെ വായിച്ചു തീർത്തു. മായ ബാലകൃഷ്ണൻ  എന്ന എഴുത്തുകാരിയെക്കുറിച്ച്  ഞാൻ കാണുന്നത്  ഓപ്പോളെന്ന് ഞാൻ  വിളിക്കുന്ന ബിന്ദുടീച...