ഇതൾ

മുഖം മാസിക 2021   

 ഡോക്ടർ അജയ്‌ നാരായണൻ ന്റെ  "പരാബോള"യാണ്   ദീർഘവർഷങ്ങളായി ഭൂഖണ്ഡങ്ങൾക്കപ്പുറം സൗത്ത് ആഫ്രിക്കയിൽ അദ്ധ്യാപകനാണ് അജയ് സർ.  കഥയും കവിതയും,നിറഞ്ഞുതുളുമ്പി എഴുത്തിന്റെ ലോകത്ത് വിരാജിക്കുന്നു.     പുതിയ പുതിയ ആകാശങ്ങളിൽ പടർന്നുപന്തലിച്ചു നിൽക്കുമ്പോഴും വേരുകൾ നഷ്ടപ്പെടുത്താതെ മാതൃഭാഷയെയും, മണ്ണിനെയും, സൗഹൃദങ്ങളേയും മറക്കാതെ ജീവിതത്തിന്റെ കയറ്റിറക്കങ്ങൾ അനുഭൂതിയുടെ വാങ്മയ ചിത്രങ്ങളിൽ കോറിയിടുന്നു  പരാബോള!  ഈ മണ്ണിന്റെ സംസ്കൃതിയും പുരാവൃത്തങ്ങളും   അവധൂതമനസോടെ ദർശനംചെയ്യുമ്പോഴും, കാലികവിഷയങ്ങളിൽ നെഞ്ചെരിക്കുന്ന പ്രമേയസാംഗത്യവും, കവിതകളിൽ കാല്പനികതകളുടെ കൈയൊപ്പും ചാർത്തിത്തരുന്ന ഒരുകൂട്ടം ചിന്തകൾ!  പദ്യത്തിലും ഗദ്യത്തിലും വായിക്കാം.   "പരാബോള" കൂടുതൽ വായിക്കപ്പെടട്ടെ! എല്ലാവിധ ഭാവുകങ്ങളും നേരുന്നു! സ്നേഹപൂർവ്വം മായ ബാലകൃഷ്ണൻ  

നജ്‌ലാ പുളിക്കൽ നടത്തിയ അഭിമുഖം  1,കുടുംബം:-  എറണാകുളം ജില്ലയിൽ അങ്കമാലി നായത്തോട് സ്വദേശി.  അച്ഛൻ കെ എസ് ബാലകൃഷ്ണൻ നായർ, അമ്മ പി കെ  വിജയമ്മ. രണ്ടുപേരും അദ്ധ്യാപകരായിരുന്നു. അച്ഛന്റെ വേർപാടിന്‌ 5 വർഷമായി. ഞങ്ങൾ 4 മക്കൾ. 2 പെണ്ണും 2 ആണും. ഞാൻ ഏറ്റവും ഇളയത്! സഹോദരങ്ങൾ കുടുംബമായി ഇവിടെയുണ്ട്.  എല്ലാവരും നല്ല വിദ്യാഭ്യാസവും ജോലിയുള്ളവരുമാണ്.  2. എഴുത്തിലേക്ക് വന്നത് ഉത്തരം:- ചെറുപ്പത്തിൽ വായനാശീലം ഉണ്ടായിരുന്നു. ചെറിയ എഴുത്തുകൾ തുടങ്ങിവച്ചെങ്കിലും കുറച്ച് ഉൾവലിയൽ പ്രകൃതംകാരണം എഴുത്തുകൾ ഒളിപ്പിച്ചുവയ്ക്കുമായിരുന്നു.  പക്ഷേ കുട്ടിക്കളി കൾക്കിടയില് പിടിക്കപ്പെട്ടപ്പോൾ വല്ലാത്ത ചമ്മൽ! അതോടെ അങ്ങനെയൊരു ശ്രമം വേണ്ടെന്നുവച്ചു.  പിന്നെ സ്‌കൂൾ പഠനശേഷം രോഗാവസ്ഥയിലാണ് വായനയും എഴുത്തും തുടങ്ങിയത്.   3. പുസ്തകങ്ങൾ ഉത്തരം:-  3  പുസ്തകം. ആദ്യ രണ്ടും കവിതാസമാഹാരം ആയിരുന്നു. തുടികൊട്ട്, നിഷ്കാസിതരുടെ ആരൂഢം. മൂന്നാമത് പുസ്തകം അതെന്റെ ജീവിതത്തിന്റെ നേർച്ഛേദമായ ഓർമയെഴുത്തുകളാണ്.  ശാരീരികവും മാനസികമായും ഏറെ വെല്ലുവിളികൾനേരിട്ട രോഗ കാലം. തീർത്തും ...

   ഓണവില്ല്   (ഓണം മധ്യകേരളത്തിൽ) *************************     ഉത്സവങ്ങളും ആഘോഷങ്ങളും എപ്പൊഴും കൂടുതലായും ആഹ്ലാദിപ്പിക്കുന്നത് കുട്ടികളെയാണെന്ന് തോന്നിയിട്ടുണ്ട്. അതുകൊണ്ടാവാം ഓണം എന്നുകേൾക്കുമ്പോളൊക്കെ നാം ബാല്യത്തിലേക്ക് ഇറങ്ങിപ്പോകുന്നത്. ഓണത്തിനൊപ്പംവരുന്ന ഒരുകൂട്ടം ഓണപ്പദങ്ങൾ മലയാളത്തിനുമാത്രം സവിശേഷമായിട്ടുള്ളത് വളരെ രസകരമായി തോന്നാം. ഓണപ്പരീക്ഷയിൽതുടങ്ങി ഓണത്തപ്പൻ, ഓണക്കോടി, ഓണസദ്യ, ഓണനിലാവ്, ഓണത്തുമ്പി, ഓണപ്പൂക്കളം, പുത്തനോണം പിള്ളേരോണം. എല്ലാം പോയിട്ട് ഇപ്പൊ ഓണംബംബർ, ഓണം അഡ്വാൻസ്, ഓണം ഉത്സവബത്ത...ഹാ....! എന്തൊരോണം!!... ചിങ്ങം എന്നുകേൾക്കുമ്പോഴേ പുഞ്ചിരി തൂകിവരുന്ന മാസം! മനസ്സും മാനവുമൊക്കെ തെളിഞ്ഞെത്തുന്ന നിറവിന്റെ, സമൃദ്ധിയുടെ കാലം. ചിങ്ങത്തിലെ അത്തംതുടങ്ങി പത്തുദിവസം പൂവിട്ട് ഓണംകൊള്ളും എന്നാണല്ലോ പറയുന്നത്. കേരളത്തിൽത്തന്നെ തെക്ക് വടക്ക് ഭേദത്തിൽ ഓണത്തിന്റെ ആചാരാനുഷ്ഠാനങ്ങൾക്ക് ചെറിയ വ്യത്യസ്തത ഉണ്ട്.  ഞങ്ങളുൾപ്പെടുന്ന മധ്യകേരളത്തിൽ ഞങ്ങളുടെയൊക്കെ ബാല്യത്തിൽ അത്തത്തിനുമുൻപേ ഓണത്തിനുള്ള ഒരുക്കങ്ങൾ തുടങ്ങിയിരിക്കും. പൂവിടാൻ മണ്ണുകൊണ്ട് പ്രത്...